Raspracoŭščyki biełaruskich nastołak da dnia rodnaj movy dorać niekalki socień asobnikaŭ hulni «Mova. Buślik. Horad»
Blizicca važnaja dla biełarusaŭ data — Mižnarodny dzień rodnaj movy. I ŭ honar śviata tvorčaja kampanija «A-čatyry», jakaja raspracoŭvaje nastolnyja hulni, doryć padarunki!
Usich, chto prahnie razmaŭlać pa-biełarusku i vučyć rodnuju movu, aŭtary hulni vinšujuć sa śviatam i dorać asobnik nastolnaj hulni «Mova. Buślik. Horad».
Kab atrymać svoj padarunak, prosta zapoŭnicie huhł-formu, i z vami źviažucca, kab udakładnić, jak pieradać padarunak.
«Mova. Buślik» — heta sieryja ŭnikalnych nastolnych hulniaŭ, jakija dapamohuć palubić biełaruskuju movu ź dziacinstva. Hulnia paznajomić nie tolki ź litarami, ale i ź cikavymi biełaruskimi słovami, a roznyja varyjanty praviłaŭ zrobiać jaje dastupnaj dla dziaciej roznaha ŭzrostu — ad 3 da 7 hadoŭ. Nastolnaja hulnia «Mova. Buślik» cudoŭna padydzie dla hulni dziaciej z baćkami, a taksama stanie dobrym matyvataram dla moładzi razmaŭlać pa-biełarusku.