Na kaścioł u Mścisłavie, što razburajecca, źbirajucca vyłučyć 550 tysiač rubloŭ. Ale nie dla rekanstrukcyi
Na kansiervacyju kaścioła ŭ Mścisłavie płanujecca vyłučyć kala 550 tysiač rubloŭ, ź ich bolš za 220 tysiač pastupiać z fondu prezidenta pa padtrymcy kultury i mastactva, skazaŭ načalnik upraŭleńnia kultury Mahiloŭskaha abłvykankama Aleh Stalmašok, piša Sb.by.
Jezuicki kaścioł archanioła Michaiła ŭ Mścisłavie — pomnik architektury XVIII stahodździa. Chram pačaŭ razburacca daŭno. Uletku 2017 kałona i arki sa sklapieńniem, jakija jana trymała, abrynulisia z-za taho, što niama dachu. Praz 2 miesiacy razvaliłasia častka ściany. Budynak ekstrana abharadzili. U susiedniaj škole mastactvaŭ spynili zaniatki.
Hramadskija aktyvisty i žurnalisty zaklikali ŭłady zachavać histaryčnuju spadčynu. Ministerstva kultury Biełarusi padrychtavała pieralik pieršačarhovych mier. Pačaŭsia zbor srodkaŭ i praktyčna «vyratavalnaja apieracyja» na abjekcie.
Čytajcie taksama: Stała viadoma, jak spyniać razbureńnie kaścioła ŭ Mścisłavie
