Abrany talisman II Jeŭrapiejskich hulniaŭ — heta Lesik FOTA
U čaćvier byŭ abrany talisman II Jeŭrapiejskich hulniaŭ, što projduć u Minsku ŭ červieni 2019 hoda.
Fota Andreja Sazonava
Im stała lisiania — Lesik. Z hetaha času mienavita Lesik źjaŭlajecca vizualnym vobrazam, jaki budzie vyklikać pramuju asacyjacyju miljonaŭ ludziej pa ŭsim śviecie z našaj krainaj, a taksama tym faktaram, jaki abjadnaje vakoł siabie ŭsich haściej i natchnić udzielnikaŭ na jarkija pieramohi, piša Źviazda.
Jak i va ŭsich talismanaŭ, u Lesika jość svaja lehienda, jana źviazana z kazkaj pra «Maleńkaha prynca». Paśla taho, jak maleńki prync pakinuŭ płanietu Ziamla, lisiania zasumavała. Usie dumki jaho byli pra toje, jak znajści siabroŭ. Jano pryniuchvałasia i prysłuchoŭvałasia, ad hetaha jaho vuški stali bolšyja. Jano daśledavała navakolle ŭ pošukach adkazu na pytańnie «Jak ža zrabić tak, kab u jaho źjavilisia siabry?». I adnojčy, dziakujučy svaim vialikim vuškam i mocnym łapkam, jano daviedałasia, što niedzie ŭ Biełarusi isnuje kvietka, jakaja vykonvaje ŭsie žadańni. Heta lehiendarnaja biełaruskaja Paparać-kvietka. Lisiania adpraviłasia ŭ Biełaruś, kab znajści Paparać-kvietku i vykanać svaju maru. Šlach u jaho byŭ niablizki, jamu daviałosia zrabić miljon krokaŭ, u hetym my možam pierakanacca, ubačyŭšy jaho fitnies-branzalet
Kab vybrać talisman II Jeŭrapiejskich hulniaŭ, u krainie byŭ zładžany konkurs. Samymi aktyŭnymi ŭ im akazalisia minčuki, jany dasłali kala 500 rabot. Taksama varyjanty talismana prychodzili z-za miažy, prytym nie tolki ad susiedziaŭ. Naprykład, u konkursie ŭziaŭ udzieł žychar Jehipta.
