Łukašenka sustreŭsia z Arynaj Sabalenka. Pa prośbie spartsmienki
BiełTA
Alaksandr Łukašenka 27 listapada sustreŭsia ź pieršaj rakietkaj Biełarusi, 13-j rakietkaj śvietu, tenisistkaj Arynaj Sabalenka. Sustreča adbyłasia pa prośbie spartsmienki, paviedamili ŭ pres-słužbie biełaruskaha kiraŭnika.
Kiraŭnik dziaržavy pavinšavaŭ Arynu Sabalenka z paśpiachovym praviadzieńniem minułaha spartyŭnaha siezona. «Małajčyna! Minuły siezon — ja liču, z usich tenisistak heta byŭ samy vialiki prahres.
Ja zadavoleny tvajoj hulnioj, za vyklučeńniem niekatorych momantaŭ, dzie ty mahła trapić u kort, ale biła mima», - adznačyŭ Alaksandr Łukašenka.
Adnačasova jon padkreśliŭ, što spartsmiency jašče jość da čaho imknucca, kab pakazvać bolš stabilny tenis. Tym bolš što na fonie dasiahnutych pośpiechaŭ i prasoŭvańnia napierad u suśvietnym rejtynhu ŭzrastajuć i čakańnia vysokich vynikaŭ jak z boku zaŭziataraŭ, tak i dziaržavy.