Futbalist pačuchaŭsia padčas vykanańnia kitajskaha himna i byŭ pakarany
Brazilski forvard kitajskaha kłuba «Šańdun Łunen» Dyjeha Tardeli atrymaŭ dyskvalifikacyju za toje, što pačuchaŭsia padčas vykanańnia himna KNR pierad matčam suprać «Šanchaj SIPH». Pra heta paviedamlaje Worldsoccertalk.
33-hadovy forvard stajaŭ, apuściŭšy hałavu, i pačuchaŭ tvar pravaj rukoj. U Kitajskaj fiederacyi futboła asudzili pavodziny brazilca, a maniery Tardeli paličyli niedarečnymi. Hulec prapuścić nastupny matč svajoj kamandy z pryčyny dyskvalifikacyi.
Kamanda Tardeli prajhrała matč ź likam 2:4. Paśla 27 turaŭ «Šańdun Łunen» zajmaje treci radok u tablicy Kitajskaj Supierlihi. «Šanchaj SIPH» źjaŭlajecca lidaram turniru.
Tardeli viadomy pa svaich vystupach za brazilskija «San Paŭłu» i «Fłamienha». Jon taksama abaraniaŭ kolery machačkalinskaha «Anžy» ŭ 2011 hodzie. Futbalist pierabraŭsia ŭ Kitaj u 2015-m. Za «Šańdun Łunen» jon pravioŭ 56 matčaŭ i zabiŭ 32 miačy.
