Rasijanki Biech, Rasskazava i Maskalenka byli zaprošany biełaruskaj fiederacyjaj, ale buduć vystupać za Ukrainu
Skład žanočaj zbornaj Ukrainy pa bijatłonie ŭ chutkim časie papoŭnicca tryma rasijankami. Prezident Fiederacyi bijatłonu Ukrainy Uładzimir Brynzak prakamientavaŭ naturalizacyju Kaciaryny Biech, Anastasii Raskazavaj i Aksany Maskalenka. Pra heta piša biełaruskaja «Trybuna».
«Hetyja try dziaŭčynki byli zaprošany biełaruskaj fiederacyjaj. Jany vyzvalilisia ŭ Maskvie, prajšli zbory ź biełaruskaj kamandaj, ale niešta tam nie atrymałasia, i jany patelefanavali mnie.
Baćki ŭ dziaŭčynak ukraincy, dakumienty na atrymańnie hramadzianstva zaraz znachodziacca ŭ stadyi afarmleńnia, tamu vystupajuć jany pakul za Kijeŭskuju vobłaść, ale tolki ŭ asabistym zaliku, nie prynosiačy kamandnyja ački.
Nu a nam spartsmienki takoha ŭzroŭniu ŭ lubym vypadku nie zaškodziać, asabliva ŭličvajučy toje, što ŭ hetaj uzrostavaj hrupie adčuvajem peŭny kadravy deficyt.
Nakolki ja viedaju, paśla letniaha čempijanatu Ukrainy płanujecca, što jany taksama piarojduć rychtavacca da junijorskaj hrupy, takim čynam farmirujučy najbližejšy rezierv pieršaj zbornaj i paralelna rychtujučysia da svaich spabornictvaŭ — junijorskich startaŭ i Kubka IBU», — skazaŭ Brynzak.