Nazvana simvaličnaja zbornaja ČS-2018 pavodle viersii zaŭziataraŭ. Tam brazilcaŭ bolš, čym čempijonaŭ śvietu francuzaŭ
Na aficyjnym sajcie FIFA skončyłasia hałasavańnie zaŭziataraŭ, jakoje vyznačyła simvaličnuju zbornuju čempijanatu śvietu. U jaje ŭvajšli tolki dva pradstaŭniki zbornaj Francyi, jakaja pieramahła na turniry, — abaronca Rafael Varan i forvard Kilijan Mbape.
Łuka Modryč nabraŭ bolš za ŭsio hałasoŭ, fifa.com
Taksama ŭ simvaličnuju zbornuju trapiŭ kapitan zbornaj Partuhalii Kryšcijanu Ranałdu, jaho kamanda vylecieła ŭ 1/8 finału paśla parazy ad Uruhvaja (1:2).
Simvaličnaja zbornaja ČS-2018: Cibo Kurtua (Bielhija), Rafael Varan (Francyja), Ćjaha Siłva (Brazilija), Dyjeha Hadzin (Uruhvaj), Marsełu (Brazilija), Łuka Modryč (Charvatyja), Filipe Kaŭcińju (Brazilija), Kievin de Brujnie (Bielhija), Kilian Mbape (Francyja), Chary Kiejn (Anhlija), Kryštyjanu Ranałdu (Partuhalija).
Hałasavańnie zaŭziataraŭ praciahvałasia z 29 červienia pa 15 lipienia. Usiaho ŭ apytańni pryniali ŭdzieł bolš za 129 tys. čałaviek. Najbolšuju kolkaść hałasoŭ atrymaŭ kapitan zbornaj Charvatyi Łuka Modryč, jaho ŭ śpis lepšych hulcoŭ čempijanatu śvietu ŭklučyli bolš za 65 tys. fanataŭ. Kaŭcińju atrymaŭ 59,1 tys. hałasoŭ, Mbape - 54,3 tys. hałasoŭ.
