Andryjana Cybulskaha pieraabrali staršynioj fiederacyi bijatłona, Hańnie Ejsmant uručyli kaštoŭny padarunak FOTA
Staršynia naziralnaj rady BFB Valeryj Vakulčyk i staršynia fiederacyi Andryjan Cybulski. Fota Volhi Nazaravaj, biathlon.by
Andryjan Cybulski pieraabrany staršynioj Biełaruskaj fiederacyi bijatłona, paviedamili ŭ fiederacyi bijatłona.
Na spravazdačna-vybarčaj kanfierencyi Andryjan Cybulski vystupiŭ z dakładam ab praviedzienaj rabocie i padvioŭ vyniki alimpijskaha siezonu. Na kanfierencyi ahučany novyja zadačy, jakija naležyć vyrašyć BFB ŭ novym alimpijskim cykle.
Padčas kanfierencyi ŭručany hrašovyja premii śpiecyjalistam pa fizičnaj kultury, jakija padrychtavali vučniaŭ dla zaličeńnia ŭ ekśpierymientalnuju hrupu pa bijatłonie.
Staršynia naziralnaha savieta BFB Valeryj Vakulčyk taksama ŭručyŭ kaštoŭny padarunak śpiecyjalnamu karespandentu ahienctva televizijnych navin (ATN) Biełteleradyjokampanii Hańnie Ejsmant za ŭniosak u papularyzacyju bijatłona ŭ Biełarusi.
Jon vykazaŭ asablivyja słovy padziaki za aŭtarstva dvuch dakumientalnych filmaŭ «Bijatłon.by, Estafieta pakaleńniaŭ» i «Formuła bijatłonu», jakija raspaviadajuć pra historyju stanaŭleńnia hetaha vidu sportu ŭ Biełarusi, pošuk i padrychtoŭku adoranych dziaciej.
Andryjan Cybulski i Hanna Ejsmant. Fota Volhi Nazaravaj, biathlon.by
