Domračava: Doma najpierš abdymu dačku — biełaruskija bijatłanistki tryumfalna viarnulisia z Pchiončchana FOTY
27 lutaha ŭ Biełaruś z Paŭdniovaj Karei viarnulisia biełaruskija alimpijcy, a siarod ich i ŭładalnicy załatych miedaloŭ u bijatłonnaj estafiecie Darja Domračava (jana zavajavała jašče i «srebra»), Nadzieja Skardzina, Iryna Kryŭko i Dynara Alimbiekava. U miedalovym zaliku zimovaj Alimpijady Biełaruś była 15-j (2 «zołata» i 1 «srebra»).
U minskim aeraporcie spartsmienaŭ sustrakali z tradycyjnymi arkiestram i karavajem. Domračava, jakaja zajšła ŭ budynak aeraporta pieršaj, atrymała piśmovaje vinšavańnie ad kiraŭnika dziaržavy. Hierojaŭ Alimpijady vitali sotni ludziej (jany pryjechali nie tolki sa stalicy, ale i z rehijonaŭ krainy), jakija skandavali «Vinšujem!» i «Małajcy!». Aŭtamabil ź bijatłanistkami ź ciažkaściami vyjechaŭ z natoŭpu. «Doma najpierš abdymu dačku!», — skazała Jeŭraradyjo Darja Domračava.
