Takier Karłsan uziaŭ intervju ŭ adyjoznaha fiłosafa Alaksandra Duhina
Jano było apublikavana ŭ sacsietkach Karłsana. Rolik doŭžycca krychu bolš za 20 chvilin.
«Miarkujučy pa ŭsim, jaho idei ličać nastolki niebiaśpiečnymi, što ŭkrainski ŭrad zabiŭ jaho dačku [Darju Duhinu], a Amazon nie pradaje jaho knihi», — havorycca ŭ supravadžalnym dopisie da videa.
U intervju dźvie častki: «Samarazburalnyja pavodziny Zachadu» i «Kali Rasija stała razhladacca jak hałoŭny vorah Amieryki?», — piša «Dožd́»
U intervju, u pryvatnaści, Duhin razvažaje pra kryzis tradycyjnych kaštoŭnaściaŭ na Zachadzie i nazyvaje Uładzimira Pucina lidaram, jaki pasprabavaŭ adradzić takija kaštoŭnaści ŭ Rasii, a taksama suvierenitet dziaržavy i chryścijanstva. U suviazi z hetym, miarkuje jon, u ZŠA stali ličyć Rasiju svaim voraham.
Alaksandr Duhin viadomy jak adzin ź lidaraŭ «nieajeŭrazijstva» (ideja, jakaja maje na ŭvazie supraćpastaŭleńnie Rasii zachodniamu śvietu), kansiervatyŭny publicyst i «ideołah ruskaha śvietu». Jon aktyŭna padtrymlivaje vajnu va Ukrainie. Duhin znachodzicca pad zachodnimi sankcyjami, a taksama ŭklučany ŭ bazu ŭkrainskaha centra «Miratvorac» jak «rasijski fašyst».
Dačka Duhina Darja zahinuła 20 žniŭnia 2022 hoda ŭ vyniku vybuchu aŭtamabila ŭ Padmaskoŭi. FSB zajaviła, što zabojstva arhanizavali ŭkrainskija śpiecsłužby. Ukraina heta admaŭlaje.
Takier Karłsan — amierykanski kansiervatyŭny žurnalist, były viadučy Fox News. Raniej jon uziaŭ intervju va Uładzimira Pucina.
Čytajcie taksama:
Pavieł Duraŭ daŭ intervju Takieru Karłsanu
«Denacyfikacyja — samaje tupoje, što ja čuŭ» — Takier Karłsan pra intervju z Pucinym
Jakija histaryčnyja dakumienty pra Ukrainu Pucin pakazaŭ Karłsanu
Borys Džonsan paprasiŭ $1 miljon za intervju Takieru Karłsanu
