Darja Domračava bliskuča vyjhrała mas-start u Antcholcy!
biathlonworld.com
Biełaruska Darja Domračava vyjhrała honku ŭ mas-starcie na etapie Kubka śvietu pa bijatłonie, što zavieršyŭsia ŭ italjanskim Antcholcy.
Pryčym da apošniaha ahniavoha rubiažu jana išła 10-j, ale biez promachaŭ adstralała (Virer i Kuźmina pramachnulisia), pajšła pieršaj na dystancyju — i ŭ vyniku vyjhrała zabieh (vynik — 40 chvilin 23,29 siekundy). Adstavańnie Kuźminoj +11,9 siekundy.
Iryna Kryŭko finišavała 12-j
Heta čaćvierty podyum u siezonie 2017-2018 dla biełaruski i druhaja pieramoha: była taksama pieramoha ŭ aŭstryjskim Chachfiłcenie ŭ spryncie. U honcy pieraśledu ŭ Chachfiłcenie Domračava zaniała treciaje miesca.
Nahadajem, što ŭčora ŭ Antcholcy Darja zaniała 3-je miesca ŭ honcy pieraśledu, sastupiŭšy srebra Daratei Virer, paśla taho jak vypadkova nastupiła joj na pałku.
Napieradzie — Alimpijada ŭ Karei (9—25 lutaha). Na minułaj Alimpijadzie ŭ Sočy Darja zavajavała try załatyja miedali.
