Azaranka prapuścić Australian Open
ausopen.org
Byłaja pieršaja rakietka śvietu Viktoryja Azaranka prapuścić Australian Open 2018. Pra heta aficyjnamu sajtu WTA raspavioŭ dyrektar turniru Krejh Tyli.
Pryčynaj admovy Azaranka ad pajezdki ŭ Mielburn źjaŭlajecca sudovaja ciažba z baćkam jaje dziciaci za prava apieki nad synam Lea. Z-za hetaha biełaruska ŭžo prapuściła turnir u novaziełandskim Oklendzie i niekalki papiarednich spabornictvaŭ.
Para raspałasia ŭ lipieni, a ŭ kastryčniku jany ŭstupili ŭ sudovuju ciažbu, jakaja prachodzić u Łos-Andželesie. Z-za razhladaŭ paśla Uimbłdonskaha turniru spartsmienka ni razu nie zhulała, prapuściŭšy u tym liku finał Kubka Fiederacyi Biełaruś — ZŠA ŭ listapadzie ŭ Minsku.
Viktoryja Azaranka dvojčy stanaviłasia pieramožcaj Australian Open (2012, 2013 hoda). Jana nazyvaje adkryty čempijanat Aŭstralii adnym ź lubimych svaich turniraŭ.
