Praciahvalniki spravy malavańnia saturnijanskich krajavidaŭ
U Pałacy mastactvaŭ taki jość na što pahladzieć. Navat niahledziačy na aficyjnuju šapku «Respublikanskaja vystaŭka-bijenale», što hučyć chutčej jak nazva italjanskaj stravy, jakuju niadaŭna navučylisia hatavać kuchary ŭ restaranie na ŭskrajku Vierchniadźvinsku.
U Pałacy mastactvaŭ taki jość na što pahladzieć. Navat niahledziačy na aficyjnuju šapku «Respublikanskaja vystaŭka-bijenale», što hučyć chutčej jak nazva italjanskaj stravy, jakuju niadaŭna navučylisia hatavać kuchary ŭ restaranie na ŭskrajku Vierchniadźvinsku. Na konkursnaj asnovie tut pradstaŭlenyja biez sumnievu najlepšyja tvory biełaruskich mastakoŭ (hrafika, žyvapis, skulptura). Pieršy raz. Raz na dva hady.
Rej viadzie kupalskaje koła na druhim paviersie, što zaciahvaje naviednika ŭ karahod, vir emocyjaŭ i pačućciaŭ. Tut i pačynaješ razumieć, što nohi mastakoŭ choć i na biełaruskaj ziamli, ale hałava tryvała ŭ biaźmiežnych niabiosach, adkul jany dasyłajuć nam svaje zornyja pasłańni. Tut pačynaješ razumieć, što
biełaruskaje mastactva, dziakuj bohu, daŭno adbiehłasia ad adnastajnaha apiavańnia rodnych paletkaŭ i štodzionnaha žyćcia.Prykład — taki nietutejšy nachił maładzika ŭ pracy Siarhieja Ahanava «Arabskaja noč». I tamu
znajomyja nadpisy na aranžavych kamizelkach darožnych rabočych (karcina Siarhieja Hrynieviča «Bryhada») — nie dla nadańnia realizmu, a kab my chutčej spaznali i pavieryli ŭ mastakoŭskija mesydžy.I chaj vas nie biantežyć pachmurnaja tuha na tutejšych karcinach — heta adno srodak abo specyfika raśsiejvańnia sonca na hetych šyrotach. U siaredzinie zatumanienych krajavidaŭ usio viruje.
Na hetaj vystavie i pačynajuć zadavacca pytańni.
Čamu składanki ajčynnych mastakoŭ padobnaha ŭzroŭniu nielha ŭbačyć na pastajannaj asnovie? Čamu hetaj padziei treba čakać dva hady? Čamu na druhim paviersie Nacyjanalnaha muzeju, całkam pryśviečanamu sučasnamu biełaruskamu mastactvu, siarod biaźmiežnaha mora sacrealizmu chiba Jazep Drazdovič sa svaimi saturnijanskimi krajavidami łaščyć zhaładniełaje pa sučasnym mastactvie voka?Čamu ličycca, što jak Šahała i Sucina daŭno pieravabili muzei Paryžu i Ńju-Jorku, dyk i pakazvać niama čaho?
Vystava adčynienaja da 24 vieraśnia, pryjaždžajcie i hladzicie, bo čarhovaj takoj vystavy čakać daviadziecca, zhodna ź lohiki praviadzieńnia ŭsich bijenale, roŭna dva hady.
* * *
Respublikanskaja vystava-bijenale biełaruskich mastakoŭ
04—24 vieraśnia 2008 hodu.
Pałac mastactvaŭ
Miensk, vuł. Kazłova, 3; st. m. Płošča Pieramohi
Aŭt – Ndz 11:00 – 19:00
Cana kvitkoŭ – 4000 rub.
ilhotny kvitok dla studentaŭ – 3000 rub.
ilhotny kvitok dla školnikaŭ i pensijaneraŭ – 2500 rub.
Teł.: (017) 288.15.49; (017) 290.60.10
