У Мінску міліцыя ўжыла святлошумавыя прылады для разгону пенсіянераў ВІДЭА

Сілавікі ўжылі святлошумавыя прылады для разгону пенсіянераў. Інцыдэнт адбыўся каля Беларускага нацыянальнага тэхнічнага ўніверсітэта на праспекце Незалежнасці ў Мінску.

Наколькі можна меркаваць, была спроба затрымання кагосьці. Пенсіянеры спрабавалі вырваць затрыманых з рук міліцыі, тады ў іх бок паляцелі святлошумавыя прылады.

Жанчыны атачылі бус з сілавікамі і скандавалі «Фашысты!»

Агулам у Маршы ўзялі ўдзел некалькі тысяч сталых людзей. Яны патрабавалі сыходу Аляксандра Лукашэнкі, свабодных выбараў і спынення рэпрэсій.

Каб менш людзей пабачыла Марш, лукашэнкаўцы закрылі станцыі метро па маршруце дэманстрацыі і перакрылі рух аўтатранспарту па праспекце.

«Гэта наш горад»: у Мінску праходзіць чарговы марш пенсіянераў

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0