У Фонд салідарнасці звярнулася ўжо больш за 400 чалавек. Васьмі з іх ужо выплацілі па 1500 еўра
Кожны, каго звольняць за палітычную пазіцыю, ці хто звольніцца сам, можа разлічваць на фінансавую дапамогу. У Фондзе Салідарнасці ўжо сабралі больш за 1,7 мільёна даляраў.
Звярнуліся па дапамогу ужо больш за 420 чалавек. Паспелі разгледзець пакуль каля 30 заявак: гэтыя людзі прайшлі верыфікацыю і чакаюць выплат. Дапамогу атрымалі ўжо 8 чалавек — кожнаму выплацілі 1500 еўра.
Механізм наступны: чалавек (звольнены ці той, хто хоча звольніцца) запаўняе заяўку праз гугл-форму (вось яна), да яе далучае відэа, дзе распавядае, па якіх прычынах звальняецца. Адна з умоў — чалавек павінен быць гатовы да публікацыі відэа.
Калі чалавек ужо звольнены, то далучае фота адпаведнага запісу у працоўнай кніжцы. Цягам некалькіх дзён яго заяўка разглядаецца, з ім звязваюцца каардынатары. Дапамогу атрымаюць толькі тыя, чые заяўкі пройдуць верыфікацыю.
