Сі Цзіньпін прапанаваў чатыры прынцыпы ўрэгулявання ўкраінскага крызісу
Старшыня КНР Сі Цзіньпін на сустрэчы з нямецкім канцлерам Олафам Шольцам прапанаваў чатыры прынцыпы ўрэгулявання ўкраінскага крызісу. Яны такія ж агульныя, як і леташні дакумент Пекіна, у якім утрымліваўся заклік да «палітычнага ўрэгулявання» канфлікту.
Олаф Шольц і Сі Цзіньпін. Фота: Michael Kappeler / picture alliance via Getty Images
Сі Цзіньпін на сустрэчы з Шольцам акцэнтаваў увагу на тым, каб не дапусціць разрастання канфлікту.
«Па-першае, мы павінны засяродзіцца на падтрыманні міру і стабільнасці і не пераследваць карыслівых інтарэсаў.
Па-другое, мы павінны астудзіць сітуацыю, а не падліваць масла ў агонь.
Па-трэцяе, мы павінны стварыць умовы для аднаўлення міру і пазбегнуць далейшага абвастрэння напружанасці.
Па-чацвёртае, мы павінны знізіць негатыўнае ўздзеянне на сусветную эканоміку і не падрываць стабільнасць глабальных прамысловых ланцужкоў і ланцужкоў паставак», — сказаў кітайскі лідар.
«Чатыры прынцыпы» пераклікаюцца з леташнім дакументам Пекіна, у якім утрымліваўся заклік да «палітычнага ўрэгулявання» канфлікту. На думку шэрагу заходніх аглядальнікаў, гэта дазволіць Расіі ўтрымаць большую частку захопленых украінскіх тэрыторый.
Чытайце таксама:
Законапраект аб дапамозе Украіне будзе разгледжаны ў Кангрэсе на гэтым тыдні
Из Тибета для начала пусть убираются, потом поговорим о принципах.