У Польшчы за выхадныя зафіксавалі 669 спробаў прарыву з Беларусі мігрантаў
На працягу мінулых выхадных польскія памежнікі зафіксавалі 669 спробаў незаконнага перасячэння мігрантамі мяжы, паведамляе Памежная служба Польшчы.
Фота ілюстрацыйнае
Паводле даных памежнікаў, у пятніцу зафіксавалі 219 спробаў нелегальнага ўезду ў Польшчу, у суботу — 276, а ў нядзелю — 174.
«Таксама зафіксавалі некалькі выпадкаў агрэсіўных паводзін мігрантаў за агароджай. Падчас аднаго з такіх інцыдэнтаў памежніца атрымала ўдар камянём у плячо», — гаворыцца ў паведамленні.
Памежнікі таксама адзначылі, што на працягу мінулых выходных яны ўдзельнічалі ў мерапрыемствах па аказанні медыцынскай дапамогі дзевяці мігрантам.
За папярэднія двое сутак, 10-11 красавіка, польскія памежнікі больш за 600 разоў разварочвалі на мяжы з Беларуссю мігрантаў, якія спрабуюць трапіць у ЕЗ.
Чытайце таксама:
Больш за 600 мігрантаў спрабавалі нелегальна перасекчы беларуска-польскую мяжу
«Дзясяткамі выкідваюць трупы цераз мяжу». Пра што Лукашэнка сёння расказваў Пуціну
Памежная служба Польшчы апублікавала ВІДЭА штурму мяжы вялікай групай мігрантаў
Пад Мінскам затрымалі некалькі дзясяткаў нелегальных мігрантаў
