U Polščy za vychadnyja zafiksavali 669 sprobaŭ praryvu ź Biełarusi mihrantaŭ
Na praciahu minułych vychadnych polskija pamiežniki zafiksavali 669 sprobaŭ niezakonnaha pierasiačeńnia mihrantami miažy, paviedamlaje Pamiežnaja słužba Polščy.
Fota ilustracyjnaje
Pavodle danych pamiežnikaŭ, u piatnicu zafiksavali 219 sprobaŭ nielehalnaha ŭjezdu ŭ Polšču, u subotu — 276, a ŭ niadzielu — 174.
«Taksama zafiksavali niekalki vypadkaŭ ahresiŭnych pavodzin mihrantaŭ za aharodžaj. Padčas adnaho z takich incydentaŭ pamiežnica atrymała ŭdar kamianiom u plačo», — havorycca ŭ paviedamleńni.
Pamiežniki taksama adznačyli, što na praciahu minułych vychodnych jany ŭdzielničali ŭ mierapryjemstvach pa akazańni miedycynskaj dapamohi dzieviaci mihrantam.
Za papiarednija dvoje sutak, 10-11 krasavika, polskija pamiežniki bolš za 600 razoŭ razvaročvali na miažy ź Biełaruśsiu mihrantaŭ, jakija sprabujuć trapić u JEZ.
Čytajcie taksama:
Bolš za 600 mihrantaŭ sprabavali nielehalna pierasiekčy biełaruska-polskuju miažu
«Dziasiatkami vykidvajuć trupy cieraź miažu». Pra što Łukašenka siońnia raskazvaŭ Pucinu
Pamiežnaja słužba Polščy apublikavała VIDEA šturmu miažy vialikaj hrupaj mihrantaŭ
Pad Minskam zatrymali niekalki dziasiatkaŭ nielehalnych mihrantaŭ
