Мэр Парыжа: На Алімпіядзе расійскім і беларускім спартсменам будуць не рады
Мэр Парыжа Ан Ідальга наведала Кіеў і заявіла, што на Алімпійскіх і Паралімпійскіх гульнях, якія пройдуць гэтым летам у французскай сталіцы, спартсменам з Расіі і Беларусі будуць не рады.
Парыж рыхтуецца да Алімпіяды. Фота: AP Photo / Michel Euler
«Я хачу сказаць расійскім і беларускім спартсменам, што ў Парыжы ім не рады, а ўкраінскім спартсменам і ўсяму ўкраінскаму народу — што мы іх вельмі моцна падтрымліваем», — сказала Ідальга.
Афіцыйныя зборныя Расіі і Беларусі не будуць дапушчаныя сёлета да гульняў, але індывідуальныя спартсмены змогуць прыняць у іх удзел у нейтральным статусе, без сцяга сваёй краіны і пры ўмове, што яны адкрыта не падтрымліваюць расійскую агрэсію супраць Украіны.
Чытайце таксама:
У Гомелі закрываюць найбуйнейшы спартыўны клуб — прычыны, напэўна, палітычныя
