З лета можна будзе ўзяць грамадзянства Германіі, не адмаўляючыся ад беларускага
З 26 чэрвеня 2024 года набываюць моц змены ў закон аб грамадзянстве Германіі, якія прыносяць дзве ключавыя навіны для беларусаў. Яны істотна аблегчаць жыццё нашым суайчыннікам, якія імкнуцца да атрымання нямецкага грамадзянства, паведаміў Міхаіл Таўбэ, прадстаўнік Народнай амбасады Беларусі ў Германіі.
Цяпер беларусы могуць падавацца на атрыманне нямецкага грамадзянства, не адмаўляючыся ад беларускага. Гэта адкрывае новыя магчымасці, спрашчаючы працэс інтэграцыі і даючы шанец на набыццё двайнога грамадзянства без неабходнасці адмаўляцца ад сваіх каранёў.
Таксама беларусам больш не трэба звяртацца з просьбай аб адмове ад беларускага грамадзянства да Лукашэнкі. Гэта здымае маральны і псіхалагічны бар'ер для многіх, хто лічыць непрымальным зварот да яго.
Больш падрабязна азнаёміцца са зменамі ў законе аб грамадзянстве Германіі можна па спасылцы.
Чытайце таксама:
Кавалеўскі адказаў на восем гарачых пытанняў пра пашпарт Новай Беларусі
Швецыя будзе выдаваць пашпарты замежніка беларусам з пратэрмінаванымі дакументамі
