Пуцін пра ўдзельнікаў тэракту: Яны спрабавалі рухацца ў бок Украіны
Пуцін выступіў са зваротам да народа Расіі. Ён абвясціў 24 сакавіка Днём жалобы па ахвярах тэракту ў «Крокус Сіці Холе».
«Усе чацвёра непасрэдных выканаўцаў тэракту, усе тыя, хто страляў, забіваў людзей, знойдзены і затрыманы. Яны спрабавалі схавацца і рухаліся ў бок Украіны, дзе па папярэдніх даных для іх з украінскага боку было падрыхтавана акно для пераходу дзяржаўнай мяжы», — сказаў ён.
Пуцін назваў учорашнія падзеі крывавым і варварскім тэрактам.
«Ахвярамі тэракту ў «Крокусе» сталі дзясяткі мірных, ні ў чым не вінаватых людзей», — сказаў ён.
Пуцін выказаў спачуванні ўсім, хто страціў родных і блізкіх.
«Тэрарыстаў чакае адплата і забыццё, будучыні ў іх няма», — заявіў Пуцін.
Чытайце таксама:
У Крамлі далі ўказанне дзяржаўным і лаяльным уладзе СМІ падкрэсліваць у тэракце «ўкраінскі след»
У Душанбэ заявілі, што трое мужчын з арыенціровак не датычныя да тэракту
Усе затрыманыя па падазрэнні ў тэракце ў «Крокусе» — грамадзяне Расіі
Затрыманы па справе тэракту ў «Крокус Сіці Холе» кажа, што застрэліў людзей за грошы
Колькасць ахвяр тэракта ў «Крокус Холе» працягвае расці — ужо 150 чалавек
