Упершыню ў гісторыі беларуска паляцела ў космас
Ракета-носьбіт «Саюз-2.1а» стартавала сёння, 23 сакавіка, з касмадрома Байканур у 15 гадзін 36 хвілін па мінскім часе.
Першапачаткова палёт меўся адбыцца ў чацвер, але з розных прычын перанесены.
Сёння на арбіту Зямлі павінен быць выведзены пілатуемы касмічны карабель «Саюз МС-25». Адным з членаў экіпажа і з'яўляецца Марына Васілеўская. На борце касмічнага карабля таксама беларус Алег Навіцкі і амерыканка Трэйсі Дайсан.
Марына Васілеўская
Стыкоўка карабля да вузлавога модуля «Прычал» расійскага сегмента МКС павінна адбыцца ў нядзелю.
Алег і Марына правядуць на арбіце 12 сутак і вернуцца дадому 6 красавіка на караблі «Саюз МС-24» разам з Лорал Эшлі О'Хара.
Трэйсі Дайсан будзе працаваць у космасе 184 сутак і прызямліцца 23 верасня на караблі «Саюз МС-25».
Марына Васілеўская ў 2017—2022 гадах працавала бортправадніцай у «Белавіі». У 2022-м яна прайшла адбор і стала адной з шасці кандыдатак для ўдзелу ў касмічным палёце. У маі 2023 года стала вядома, што яна — асноўны прэтэндэнт на ўдзел у экспедыцыі на Міжнародную касмічную станцыю (МКС). Дублёрам стала Анастасія Лянкова — дзіцячы хірург з Мінска.
Задача Марыны Васілеўскай — правесці некалькі навуковых эксперыментаў для беларускіх навукоўцаў. Касманаўтка пратэсціруе тэхналогіі, якія немагчыма праверыць на Зямлі. Таксама яна паразмаўляе са школьнікамі і студэнтамі па відэасувязі з арбіты.
Чытайце таксама:
Якія праграмы даручылі выканаць у космасе першай беларускай жанчыне-касманату
Лукашэнка вызначыў статус беларускіх касманаўтаў. За даброты трэба плаціць лаяльнасцю
Як Мінск выглядае з космасу ФОТА
Беларуская касманаўтка цяпер будзе ляцець да арбітальнай станцыі замест трох гадзін двое сутак
