Кіраўнік ліквідаванай партыі «Зялёныя» не выйшаў на волю пасля 30 сутак арышту
Кіраўнік ліквідаванай партыі «Зялёныя» Дзмітрый Кучук не выйшаў на волю пасля 30 сутак арышту. Пра гэта напісаў у фэйсбуку лідар таксама ліквідаванай Беларускай сацыял-дэмакратычнай партыі «Грамада» Ігар Барысаў.
Дзмітрый Кучук
«Чакалі на волі ў нядзелю 17-га, бо ў гэты дзень сканчаліся 30 сутак адміністрацыйнага арышту, аднак дагэтуль ён не на свабодзе. Родныя не ведаюць, дзе і што з ім. Спадзяюся, што ўсё добра і хутка будзе на волі», — напісаў Барысаў.
Дзмітрыя Кучука затрымалі 16 лютага, калі ён пайшоў ускладаць кветкі да расійскай амбасады ў сувязі са смерцю палітыка Аляксея Навальнага. Перад тым ён адзіны з усіх апазіцыйных палітыкаў збіраўся вылучацца на выбарах у Палату прадстаўнікоў, але ягоная ініцыятыўная група нават не была зарэгістраваная.
Чытайце таксама:
У Мінску затрымалі Дзмітрыя Кучука
Зрабіў бізнэс на смецці. Хто такі Дзмітрый Кучук, які хоча балатавацца ў Палату прадстаўнікоў
«Мне важна стаць голасам тых, хто знаходзіцца ўнутры краіны». Былы кіраўнік Зялёных ідзе ў дэпутаты
