У 2023 годзе беларускі нарадзілі ў Польшчы 775 дзяцей
Паводле звестак польскай базы PESEL, у грамадзянак Беларусі ў 2023 годзе нарадзілася 775 дзяцей. Самымі папулярнымі месяцамі нараджальнасці былі лістапад, травень, ліпень, жнівень, кастрычнік, паведамляе тэлеграм-канал «Беларусы ў Польшчы.
Здымак ілюстрацыйны. Фота: Danil Rudenko / vecteezy.com
Пададзеная статыстыка не ўключае дзяцей, якія нарадзіліся ў беларусак з польскім грамадзянствам ці калі адзін з бацькоў мае іншае грамадзянства, з якім уносяць у базу PESEL.
У 2022 годзе ў беларусаў, якія жывуць у Польшчы, нарадзілася 741 дзіця.
Паводле законаў Рэспублікі Беларусь, калі адзін з бацькоў дзіцяці, народжанага за мяжой, мае беларускае грамадзянства, то дзіця атрымлівае грамадзянства Рэспублікі Беларусі.
Чытайце таксама:
Беларусы расказалі, як змянілася іх жыццё пасля атрымання другога грамадзянства
Дэмаграфічная катастрофа. Узровень нараджальнасці ў Беларусі апусціўся ніжэй за ваенныя часы