«Давай яго дачакаемся». Беларусы знялі сатыру на жонак мабілізаваных
Праект «ЧынЧынЧэнэл» выпусціў сатырычнае шоу пра жонак мабілізаваных «Давай его дождёмся». У першай серыі актрысы Алена Зуй-Вайцяхоўская і Нэла Агрэніч расказваюць, як «заставацца вернай сяброўкай і ідэальнай жонкай, калі вашага мужа паклікалі на святую спецаперацыю».
Галоўныя гераіні праекта — вядучая Ангеліна Звездапад (Алена Зуй-Вайцяхоўская) і «ідэальная жанчына» (Нэла Агрэніч), якая паказвае ў відэаінструкцыі, як жа мусіць сябе паводзіць выдатная жонка мабілізаванага. Да прыкладу, яна збірае неабходныя рэчы для мужа, які атрымаў позву, — не толькі тушонку ды пляшку, але і чорны пакет у чалавечы рост.
Каб падтрымаць у мужчыне баявы дух, ідэальная жонка перад адыходам яго на фронт чытае яму Чапаева. А ў дзень ад’езда начышчае яму берцы сваімі слязьмі і змагаецца з благімі пачуццямі праз думкі пра нешта новае — напрыклад, пральную машыну.
Каментатары ацэньваюць ролік па-рознаму. Большасці ён падабаецца — адзначаюць, што інструкцыю можна хоць цяпер паказваць на БТ, бо яна і так мала адрозніваецца ад прадзяржаўнага кантэнту. А ёсць і тыя, каго відавочна зачапіў гумар ад «ЧынЧынЧэнэла» — адзін з каментароў, да прыкладу, гучыць так: «Якое паскудства… Нічога святога».
«Наша Нiва» — бастыён беларушчыны
ПАДТРЫМАЦЬЧытайце таксама:
Стваральнікі «Працэсаў» здымаюць новае гумарыстычнае шоу — пра жонак мабілізаваных
«Не баюся быць дрэннай дзяўчынкай». Алена Жалудок выпусціла новы кліп
Ай-яй-яй людзі калекамі вяртаюцца, а яны, бач ты, сатыру сваю здымаюць:)
Іго-го-го!
Свінкі зарохкалі, што, аказваецца, рэпартажы здымаюць не толькі пра кармавыя дабаўкі і надоі.