«Там жа няма ніводнага яўрэя!» Лукашэнка блытана патлумачыў, чаму ЕўрАзЭС не згубіць Арменіі
25 снежня ў Санкт-Пецярбургу прайшло пасяджэнне Вышэйшай Еўразійскай эканамічнай супольнасці. Справаздачу адтуль дае Андрэй Калеснікаў у выданні «Коммерсант».
Аляксандр Лукашэнка. Фота: РИА Новости / kremlin.ru
Лукашэнку журналісты спынілі на прыступках Прэзідэнцкай бібліятэкі імя Б. М. Ельцына, дзе павінна было адбыцца пасяджэнне. У яго спыталі, ці не крыўдна яму, што прэм'ер Арменіі Нікол Пашынян прыляцеў у Піцер, а ў Мінск на пасяджэнне АДКБ не прыляцеў?
Вось як перадае дыялог Калеснікаў.
«Ды вы што?! — усклікнуў Аляксандр Лукашэнка.— Гэта розныя фарматы! Я ведаў, што ён прыляціць у Піцер. Вы кепска слухалі, я казаў пра гэта. Якая тут крыўда! Я ўсё ведаў!
— Ці не страцім Арменію? — цікавіўся яшчэ нехта з журналістаў напрыканцы.
— Калі Арменія хоча памерці эканамічна… То мы яе можам страціць.
Але я не думаю, што армяне — дурныя людзі! Армяне ж разумныя людзі! Там жа няма ніводнага яўрэя! Ведаеце чаму? Бо армяне — самыя разумныя людзі! Ну як яны кажуць!.. Што яны, не бачылі, як у Афганістане падалі людзі з шасі самалёта, калі амерыканцы ляцелі?! Ну сапраўды так выкарыстаюць і Арменію — і зваляць!
Вы думаеце, гэтага не будзе? Будзе так! Гэта іхная палітыка! Я вам кажу як старадаўні палітык!» — рупліва занатаваў блытаныя словы Лукашэнкі карэспандэнт крамлёўскага пула.
Чытайце таксама:
Лукашэнка назваў Жазэпа Барэля дурнем, які не мае дачынення да палітыкі
«Светлая памяць». Фэйсбук пазначыў лукашэнкаўскую прэс-сакратарку Наталлю Эйсмант як памерлую
https://nashaniva.com/332884