У Мінску на скрыжаваннях з'явілася разметка «вафельніца»
Сёння раніцай кіроўцы заўважылі незвычайную для Беларусі дарожную разметку на скрыжаванні вуліц Камуністычнай і Чырвонай. Гэта так званая «вафельніца»: жоўтыя лініі разметкі перасякаюцца пад прамым вуглом, перакрываючы ўсё скрыжаванне, піша Onliner.
У Правілах дарожнага руху ёсць абазначэнне такой разметкі — межы скрыжавання. Звычайна на скрыжаваннях з «вафельнай» разметкай забараняецца прыпынак, у тым ліку туды забараняецца заязджаць, калі наперадзе ўтварыўся затор, які можа прымусіць кіроўцу спыніцца.
У ДАІ Мінска карэспандэнту Onliner пацвердзілі факт нанясення такой разметкі, адзначыўшы тое, што будуць і іншыя ўчасткі з ёй.
І сапраўды, іншую «вафельніцу» ўжо заўважылі ў раёне скрыжавання вуліц Арлоўскай і Старавіленскага тракту, каля Цэнтральнага РУУС.
Чытайце таксама:
