«Расатам» хоча будаваць у Беларусі яшчэ адну АЭС
president.gov.by
Кіраўнік расійскай карпарацыі «Расатам» Аляксей Ліхачоў заявіў пра гатоўнасць удзельнічаць у будаўніцтве яшчэ адной атамнай электрастанцыі ў Беларусі.
«Будаўніцтва яшчэ аднаго нашага блока тут або яшчэ адной атамнай станцыі з двух блокаў — гэта найлепшая ўзнагарода, якая толькі можа быць», — цытуе яго тэлеканал СТБ.
Ліхачоў заявіў, што калі будзе новае будаўніцтва, дык «Расатам» скароціць тэрміны і «аптымізуе» кошт. «Таму гэта не толькі ўзнагарода для нас будзе, але і магчымасць яшчэ чарговы раз сябе праявіць. Я думаю, Беларусь толькі выйграе».
Беларускую АЭС у Астраўцы з двума рэактарамі ВВЭР-1200 сумарнай магутнасцю 2400 МВт запусцілі на мінулым тыдні. 3 лістапада яна стала даваць ток у энергасістэму, а 7 лістапада адбыўся афцыйна пуск пры ўдзеле Лукашэнкі. Першы энергаблок выйшаў на магутнасць 400 МВт.