У гісторыі ЗША толькі аднойчы імя прэзідэнта стала вядома за два дні да інаўгурацыі
І гэта было 144 гады таму.
У ЗША цяперашнія прэзідэнцкія выбары нагадваюць гісторыкам выбары 1876 года. Іх лёс вырашаўся ўсяго за два дні да інаўгурацыі, звяртае ўвагу Бі-бі-сі.
Дэмакрат Сэмюэл Тылдэн апярэдзіў рэспубліканца Ратэрфорда Хейза па агульнай колькасці галасоў. Тылдэн набраў 184 галасы ў Калегіі выбаршчыкаў, а Хейз — 165. Яшчэ 20 галасоў у паўднёвых штатах бакі аспрэчвалі.
У выніку шалёных спрэчак галасы былі прысуджаныя Хейзу, і ён перамог з перавагай у адзін голас.
Лічыцца, што Хейз, які стаў 19-м прэзідэнтам, атрымаў галасы паўднёвых штатаў у абмен на згоду вывесці федэральныя войскі з Поўдня (там ішоў працэс Рэканструкцыі пасля Грамадзянскай вайны) і не ўмешвацца ў яго справы. А таксама — узяць у свой урад дэмакрата.
Тады інаўгурацыя праходзіла не 20 студзеня, а 4 сакавіка, і яна прайшла на Капіталійскім пагорку ў атачэнні Федэральных войскаў.
Ратэрфорд Хейз