U historyi ZŠA tolki adnojčy imia prezidenta stała viadoma za dva dni da inaŭhuracyi
I heta było 144 hady tamu.
U ZŠA ciapierašnija prezidenckija vybary nahadvajuć historykam vybary 1876 hoda. Ich los vyrašaŭsia ŭsiaho za dva dni da inaŭhuracyi, źviartaje ŭvahu Bi-bi-si.
Demakrat Semiueł Tyłden apiaredziŭ respublikanca Raterforda Chiejza pa ahulnaj kolkaści hałasoŭ. Tyłden nabraŭ 184 hałasy ŭ Kalehii vybarščykaŭ, a Chiejz — 165. Jašče 20 hałasoŭ u paŭdniovych štatach baki asprečvali.
U vyniku šalonych sprečak hałasy byli prysudžanyja Chiejzu, i jon pieramoh ź pieravahaj u adzin hołas.
Ličycca, što Chiejz, jaki staŭ 19-m prezidentam, atrymaŭ hałasy paŭdniovych štataŭ u abmien na zhodu vyvieści fiederalnyja vojski z Poŭdnia (tam išoŭ praces Rekanstrukcyi paśla Hramadzianskaj vajny) i nie ŭmiešvacca ŭ jaho spravy. A taksama — uziać u svoj urad demakrata.
Tady inaŭhuracyja prachodziła nie 20 studzienia, a 4 sakavika, i jana prajšła na Kapitalijskim pahorku ŭ atačeńni Fiederalnych vojskaŭ.
Raterford Chiejz
