Бундэстаг прыняў рэзалюцыю пра непрызнанне вынікаў выбараў у Беларусі
Парламент Германіі прыняў 4 лістапада рэзалюцыю з заклікам да ўрада краіны падтрымаць грамадзянскую супольнасьць у Беларусі, незалежныя СМІ, а таксама пацярпелых ад рэпрэсій грамадзян, піша DW.
У прэамбуле рэзалюцыі гаворыцца, што Бундэстаг не прызнае афіцыйныя вынікі прэзідэнцкіх выбараў, якія прайшлі ў Беларусі 9 жніўня 2020 года, рашуча асуджае дзеянні беларускіх уладаў, накіраваныя на здушэнне пратэстаў, і патрабуе неадкладнага вызвалення ўсіх палітычных зняволеных і спынення рэпрэсій супраць апазіцыі.
Аўтары рэзалюцыі таксама патрабуюць увядзення персанальных санкцый супраць Аляксандра Лукашэнкі і яго найбліжэйшага атачэння, а таксама ўсіх тых, хто нясе адказнасць за палітычныя рэпрэсіі, гвалт і фальсіфікацыю выбараў. Акрамя гэтага, дэпутаты парламента ФРГ заклікалі да актыўнага ўключэння ў вырашэнне палітычнага крызісу і запуск перамоўнага працэсу ў Беларусі не толькі АБСЕ, але і Расіі.
Прынятая рэзалюцыя мае рэкамендацыйны характар. Ніякіх канкрэтных тэрмінаў рэалізацыі асобных яе палажэнняў не пазначана.
