Bundestah pryniaŭ rezalucyju pra niepryznańnie vynikaŭ vybaraŭ u Biełarusi
Parłamient Hiermanii pryniaŭ 4 listapada rezalucyju z zaklikam da ŭrada krainy padtrymać hramadzianskuju supolnaść u Biełarusi, niezaležnyja ŚMI, a taksama paciarpiełych ad represij hramadzian, piša DW.
U preambule rezalucyi havorycca, što Bundestah nie pryznaje aficyjnyja vyniki prezidenckich vybaraŭ, jakija prajšli ŭ Biełarusi 9 žniŭnia 2020 hoda, rašuča asudžaje dziejańni biełaruskich uładaŭ, nakiravanyja na zdušeńnie pratestaŭ, i patrabuje nieadkładnaha vyzvaleńnia ŭsich palityčnych źniavolenych i spynieńnia represij suprać apazicyi.
Aŭtary rezalucyi taksama patrabujuć uviadzieńnia piersanalnych sankcyj suprać Alaksandra Łukašenki i jaho najbližejšaha atačeńnia, a taksama ŭsich tych, chto niasie adkaznaść za palityčnyja represii, hvałt i falsifikacyju vybaraŭ. Akramia hetaha, deputaty parłamienta FRH zaklikali da aktyŭnaha ŭklučeńnia ŭ vyrašeńnie palityčnaha kryzisu i zapusk pieramoŭnaha pracesu ŭ Biełarusi nie tolki ABSIE, ale i Rasii.
Pryniataja rezalucyja maje rekamiendacyjny charaktar. Nijakich kankretnych terminaŭ realizacyi asobnych jaje pałažeńniaŭ nie paznačana.
