Незалежны прафсаюз работнікаў «Нафтана» асудзіў адпраўку штрэйкбрэхераў на «Гродна Азот»

Пярвічная арганізацыя Беларускага Незалежнага прафсаюза работнікаў «Нафтан» пракаментавала адпраўку работнікаў-штрэйкбрэхераў «Нафтана» на «Гродна Азот».

Арганізацыя выказвае шчырую падтрымку работнікам «Гродна Азота».

«Мы салідарныя з вамі ў пытаннях барацьбы за нашы агульныя правы на свабоду слова, свабоду выбару, магчымасць працаваць у бяспечных умовах і без якога-небудзь ціску», — гаворыцца ў заяве.

Арганізацыя адзначае, што непадрыхтаваныя, няпрофільныя спецыялісты-штрэйкбрэхеры небяспечны для самога прадпрыемства.

«Са свайго боку запэўніваем вас, што ні адзін чалец БНП не паедзе на ваша прадпрыемства ў якасці так званых штрэйкбрэхераў», — гаворыцца ў заяве.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0