У панядзелак у Беларусі пачнуцца вучэнні «Непарушнае братэрства — 2020»
Фота Міністэрства абароны
12 кастрычніка на палігоне «Ласвіда» ў Віцебскай вобласці адбудзецца ўрачыстае адкрыццё камандна-штабнога вучэння з міратворчымі сіламі АДКБ «Непарушнае братэрства — 2020», паведамляе Мінабароны ў сваім тэлеграм-канале.
Вучэнне пройдзе на тэрыторыі Беларусі з 12 па 16 кастрычніка. У ім возьмуць удзел кантынгенты дзяржаў — членаў АДКБ, аператыўныя групы Аб'яднанага штаба і Сакратарыята АДКБ, паліцэйскія (міліцэйскія) сілы і падраздзяленні міністэрстваў па надзвычайных сітуацыях.
Агульная колькасць удзельнікаў складзе больш за 700 чалавек і больш за 100 адзінак ваеннай і спецыяльнай тэхнікі ў тым ліку верталёты і баявыя паветраныя лятальныя апараты.
Вучэнне «Непарушнае братэрства» праводзіцца штогод, пачынаючы з 2012 года, на тэрыторыі адной з краін-удзельніц АДКБ.
