U paniadziełak u Biełarusi pačnucca vučeńni «Nieparušnaje braterstva — 2020»
Fota Ministerstva abarony
12 kastryčnika na palihonie «Łaśvida» ŭ Viciebskaj vobłaści adbudziecca ŭračystaje adkryćcio kamandna-štabnoha vučeńnia ź miratvorčymi siłami ADKB «Nieparušnaje braterstva — 2020», paviedamlaje Minabarony ŭ svaim telehram-kanale.
Vučeńnie projdzie na terytoryi Biełarusi z 12 pa 16 kastryčnika. U im voźmuć udzieł kantynhienty dziaržaŭ — členaŭ ADKB, apieratyŭnyja hrupy Abjadnanaha štaba i Sakrataryjata ADKB, palicejskija (milicejskija) siły i padraździaleńni ministerstvaŭ pa nadzvyčajnych situacyjach.
Ahulnaja kolkaść udzielnikaŭ składzie bolš za 700 čałaviek i bolš za 100 adzinak vajennaj i śpiecyjalnaj techniki ŭ tym liku viertaloty i bajavyja pavietranyja latalnyja aparaty.
Vučeńnie «Nieparušnaje braterstva» pravodzicca štohod, pačynajučy z 2012 hoda, na terytoryi adnoj z krain-udzielnic ADKB.