Bukiera-2010 atrymaŭ Hovard Džejkabsan

Prestyžnuju litaraturnuju premiju Bukiera za najlepšuju knihu 2010 hoda atrymaŭ Hovard Džejkabsan za satyryčny raman «Prablema Finklera».

Džejkabsan apiaredziŭ inšych udzielnikaŭ konkursu, u tym liku dvojčy łaŭreata Bukiera Pitera Kery. Jon atrymaŭ ček na 50 tysiač funtaŭ sterlinhaŭ (kala 75 tysiač dalaraŭ) na cyrymonii, što prajšła ŭ łondanskim Sici. Aproč taho, usim finalistam, uklučajučy pieramožcu, uručajecca ček na 2,5 tysiačy funtaŭ.

Staršynia žury ser Endru Moŭšn nazvaŭ knihu 68-hadovaha piśmieńnika «vielmi śmiešnaj, ale pry hetym vielmi razumnaj, vielmi sumnaj i vielmi tonkaj».

U centry ramana — tema samaidentyfikacyi jaŭrejaŭ u sučasnym brytanskim hramadstvie. Kniha — pra čałaviečyja adnosinych, siabroŭstva niepadobnych adzin na druhoha školnych tavaryšaŭ, dvoje ź jakich źjaŭlajucca jaŭrejami, a treci choča im być, — stała pieršym adkryta humarystyčnym tvoram, jakija atrymali Bukiera za ŭsiu historyju premii.

Heta 11-y pa liku raman Džejkabsana. U centry jaho — postać byłoha radyjopradziusara Bi-bi-si Džulijana Tresłava, jakoha źbivajuć pa darozie dadomu paśla viačery ź siabrami. Paśla hetaha napadu jaho razumieńnie siabie i svajoj identyčnaści pačynaje mianiacca.

Bi-Bi-Si

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0