«Teror i prapahanda ŭ akupavanaj Biełarusi»
Vyjšaŭ čarhovy «vajenny» ARCHE.
Vyjšaŭ čarhovy «vajenny» ARCHE.
U adroźnieńnie ad 5-ha numara za 2010 h., kali hutarka išła zbolšaha pra vajskovyja aśpiekty Druhoj suśvietnaj vajny, u novym, 7—8-m zdvojenym numary akcent robicca na akupacyjnaj palitycy ŭ Biełarusi.
Puha ci piernik? Jaki byŭ vybar niamieckaj akupacyjnaj ułady ŭ dačynieńni da biełaruskaha nasielnictva? U numary, jaki atrymaŭ nazvu «Teror i prapahanda ŭ akupavanaj Biełarusi», — pracy, pryśviečanyja nacysckaj prapahandzie: niamieckich daśledčykaŭ Alaksandra Piliča i Terezy Foht. A taksama pracy, pryśviečanyja nieprychavanamu teroru: teksty biełaruskaj daśledčycy Volhi Holety, izrailskich historykaŭ Jehudy Baŭera i Šloma Klesa, i niamieckaha — Alaksandra Frydmana. U novym taksama razhladajucca ahulnyja prablemy akupacyi — niamiecki navukoviec Fieliks Akierman daśleduje ich na prykładzie zachoplenaj Horadni. A jašče — praca Jury Hryboŭskaha ab palicyjnych farmavańniach.
Akramia hetaha, u novym ARCHE drukujucca histaryčnyja pieršakrynicy, siarod jakich akty haŭlajtara Biełarusi Vilhielma Kube.
Tradycyjna ŭ numary — kalarovyja i čorna-biełyja fatahrafii vajennych časoŭ i ŭzory ahitacyjnaha mastactva. Układka — mapa «Biełaruś pad niamieckaj akupacyjaj», dzie padadziena administratyŭnaje dzialeńnie Biełarusi ŭ čas niamieckaha zachopu z paznačeńniem nasielenych punktaŭ, źniščanych fašystami, a taksama kancłahieroŭ.
