15 vieraśnia — Dzień biblijatek

15 vieraśnia u Nacyjanalnaj biblijatecy Biełarusi pačnucca ŭračystyja mierapryjemstvy z nahody Dnia biblijatek.

Śviatkavańnie Dnia biblijatek — znamianalnaja padzieja ŭ žyćci našaj krainy, jakaja śviedčyć pra ŭvahu dziaržavy i hramadstva da biblijatek jak da najvažniejšaha elemienta infarmacyjnaj prastory. Śviata biblijatečnaj kultury adznačajecca ŭ našaj krainie z 2001 h. zhodna z Ukazam prezidenta Respubliki Biełaruś, pavodle jakoha byŭ pryznačany Dzień biblijatek — 15 vieraśnia. Heta data była vybrana nievypadkova: 15 vieraśnia 1922 h. ličycca dniom zasnavańnia Nacyjanalnaj biblijateki Biełarusi, jakaja ŭznačalvaje biblijatečnuju sistemu respubliki i źjaŭlajecca ŭniviersalnaj navukovaj biblijatekaj, respublikanskim infarmacyjnym i sacyjakulturnym centram. Śviatočnyja mierapryjemstvy tradycyjna pačnucca z uračystaści, pryśviečanaj Dniu biblijatek, što adbudziecca 15 vieraśnia, a 12-j hadzinie na płoščy pierad Nacyjanalnaj biblijatekaj Biełarusi kala pomnika F. Skarynu. U mierapryjemstvie prymuć udzieł pradstaŭniki dziaržaŭnych orhanaŭ u śfiery kultury i biblijatečnaj spravy, pradstaŭniki biblijatečnaj hramadskaści z roznych rehijonaŭ Biełarusi, zapłanavany taksama teatralizavanyja i chareahrafičnyja numary.

AP

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH