Niehieroi našaha času
U Kupałaŭskim teatry siońnia adbudziecca apošniaja premjera siezonu — śpiektakl «Ofis». Heta pjesa pra budzionnyja pryhody «ofisnaha płanktonu».
U Kupałaŭskim teatry adbudziecca apošniaja premjera hetaha siezonu — śpiektakl «Ofis». Heta pjesa niamieckaj piśmieńnicy Inhryd Łaŭzund pra budzionnyja pryhody «ofisnaha płanktonu».Tut panuje sistema lutaha kantrolu, žalezabietonnaj ijerarchii. Heta śmiech ź niaśmiešnych žartaŭ, tolki tamu, što ich raskazvaje načalnik, pryśviačeńnie ładnaha kavałku času honcy za hodnaj pasadaj i zrynańniu kankurentaŭ. Tut panuje sistema, što źniščaje asobu i asabistaść.
— «Ofis» — paŭabsurdyscki śpiektakl pra ludziej, pazbaŭlenych roŭnaj pastavy, — kaža režysior-pastanoŭščyk Kaciaryna Avierkava. — Dosyć źjavicca adnosinam «načalnik—padnačaleny», jak dzie-nidzie ludzi zabyvajucca na prostyja iściny, na kachańnie i siabroŭstva».
«Ofis» — sučasnaja pjesa, dzie siužet raźvivajecca nieliniejna. Heta chutčej nabor skietčaŭ, scenak, padčas jakich stvaralniki śpiektaklu na ŭłasnaje razumieńnie raskryvajuć vyrazy kštałtu «nož u śpinu», «na im tvaru niama».
U śpiektakli zaniatyja Śviatłana Anikiej, Arciom Barodzič, Dźmitryj Jesianievič, Michaił Zuj, Alaksandr Małčanaŭ, Pavieł Charłančuk, Hanna Chitryk.
Nastupny pakaz — 28 lipienia ŭ niazvykłym miescy — na Małoj scenie kancertnaj zały «Minsk». Bo, nahadajem, sioleta pačniecca rekanstrukcyja budynka teatra.