Piensijanierka skrała kašalok i pamianiała pryčosku, kab jaje nie znajšli. Apieracyja pravaliłasia
Maskiroŭka nie dapamahła.
Skryn: videa HUUS Minharvykankama
Žycharka Minska zabyłasia ŭ paliklinicy kašalok. A kali viarnułasia — to vyjaviła, što hrošaj u im niama. Paśla taho žančyna była vymušanaja źviarnucca ŭ milicyju.
Akazałasia, 1800 rubloŭ z kašalka skrała 60-hadovaja piensijanierka. Jana pabačyła zabytuju reč i vyrašyła skarystacca ź situacyi, paviedamlaje HUUS Minharvykankama.
Žančyna lubić detektyŭnyja ramany, tamu, hruntujučysia na ich siužetach, vyrašyła zamieści ślady i źmianić źniešnaść. Piensijanierka pierajechała žyć da siabroŭki, a taksama pastryhła i pafarbavała vałasy.
Ale heta žančynu nie vyratavała, jak ŭsio adno vyličyli. Jak akazałasia, častku hrošaj jana ŭžo paśpieła vydatkavać na asabistyja patreby. Ciapier suprać jaje zaviali kryminalnuju spravu za kradziež.
Čytajcie taksama:
U Maskvie zatrymali biazdomnaha biełarusa sa staradaŭnim pistaletam u kišeni
U Homieli buduć sudzić studenta za kradziež z maminaj šafy
U Homielskaj vobłaści žančynu, jakuju pryznali pamierłaj, złavili na złačynstvie
