«Lepiej by ŭžo car byŭ, čym balšavickaja revalucyja! Rasija raźvivałasia b u jeŭrapiejskim napramku» — Łatyšonak
U novym vypusku «Tok» historyk Aleh Łatyšonak raskazaŭ, jak źmianiłasia jaho staŭleńnie da padziej 1917 hoda.
Aleh Łatyšonak pad čas intervju. Skryn videa TOK_talk / YouTube
Na pytańnie pra svajo staŭleńnie da 1917 hoda ŭ historyi Biełarusi prafiesar Łatyšonak zaŭvažyŭ, što adkaz zaležyć ad taho, jakuju revalucyju mieć na ŭvazie:
«Faktyčna razvał carskaj impieryi stvaryŭ mahčymaści stvareńnia Biełarusi. Ale čym starejšym stanaŭlusia, tym bolš dumaju, što lepiej by ŭžo hety car byŭ (i Rasija pamału raźvivałasia ŭ jeŭrapiejskim napramku), čym balšavickaja revalucyja».
Jak tłumačyć Łatyšonak, dziasiatki miljonaŭ ludziej zahinuli ŭ vyniku nastupnych padziej. «Pazbavili nas usich elitaŭ, tamu nie možam padniacca. My placiemsia va ŭsich suśvietnych rejtynhach davieru da inšych ludziej, svabody na samym kancy. Heta prosta žach».
Hladzicie całkam:
Čytajcie taksama:
U vyniku lutaŭskaj revalucyi 1917 hoda caryzm u Rasiejskaj impieryi byŭ źmienieny nie na balšavizm, a na buržuaznuju respubliku.
Ale časovy urad zrabiŭ prynamsi try pamyłki:
1.Treba było vychodzić ź biessensoŭnaj vajny, jakuju Rasieja nie ciahnuła.
2.Treba było razvalić Rasiejskuju impieryju, jak heta ciaham XX st. adbyłosia albo było zroblena sa ŭsimi kałanijalnymi impieryjami Jeŭropy. Jelcyn u 1990ch paŭtaryŭ hetu pamyłku, i tuju ž pamyłku źbirajecca paŭtaryć sučasnaja rasiejskaja libieralnaja apazicyja.
3.Adrazu paśla abrynańnia caryzmu było stvoranaje dvajeŭładździe, i dla jaho pieraadolvańnia treba było jak maha chutčej pravieści vybary i pačać budavać instytuty demakratyčnaj dziaržavy. Hety praces byŭ zaciahnuty, za hety čas urad Kieranskaha straciŭ papularnaść i pa sutnaści straciŭ kiravańnie krainaj, a byłyja marhinały - balšaviki Lenina stvaryli kaalicyju ź levymi eserami i anarchistami, što dazvoliła ździejśnić im dvuchetapny uzbrojeny pieravarot - spačatku abrynuć časovy urad, a praz 2 miesiaca razahnać Usierasiejski ustanoŭčy schod, vybary ŭ jaki kaalicyja balšavikoŭ i ichnych chaŭruśnikaŭ prajhrała.