U Minsku ŭ elitnym domie pradajecca kvatera na dachu. Jak u Karłsana, tolki ŭ razy bolšaja
Heta dom niepadalok ad Parku Čaluskincaŭ, tolki pa inšy bok praśpiekta Niezaležnaści ŭ Instrumientalnym zavułku.
Hety cahlany budynak uźviali ŭ 2007 hodzie. Dom atrymaŭ roznuju pavierchavaść (ad 7 da 9 pavierchaŭ) i vientfasad, piša Realt.by.
Jandeks-karty
Raźmiaščeńnie kala doma — prosta top. Adsiul možna pieššu dajści da Parka Čaluskincaŭ i Bataničnaha sada, za niekalki krokaŭ ad doma − stancyja mietro, a taksama šmatlikija kafe, restarany, fitnes-centry, dziciačyja sady, himnazii, škoły, univiersitety, adździaleńni bankaŭ, miedcentry, kramy, apteki i sałony pryhažości.
Adna z prapanovaŭ — ekskluziŭ: ciapier u domie pradajecca pientchaŭs ź vielizarnaj terasaj na dachu. Płošča hetaj kvatery, raźmieščanaj na dvuch apošnich pavierchach doma, składaje 210 kvadratnych mietraŭ.
Na pieršym uzroŭni raźmiaściłasia haścioŭnia, dva prastornyja spalnyja pakoi, vialikaja kuchnia, sanvuzieł i harderobnaja. Na druhim uzroŭni — spalny pakoj, sanvuzieł, kabiniet, harderobnaja i šykoŭnaja terasa płoščaj 151 (!) kvadratny mietr.
Na terasie novyja haspadary mohuć arhanizavać basiejn, zonu adpačynku z barbiekiu, mini-sad, chatni kinateatr, saŭnu, zonu SPA i inšaje.
U kvatery — panaramnaje škleńnie, vokny «ŭ padłohu», vialikaja kolkaść naturalnaha aśviatleńnia, vyšynia stolaŭ ad 3 mietraŭ. Pientchaŭs całkam hatovy da pražyvańnia i ŭkamplektavany nieabchodnaj meblaj i technikaj.
Bonusam da kvatery iduć dva parkovačnyja miescy pierad domam.
Košt pientchausa — 389 tysiač dalaraŭ (1852 dalary — za mietr).
Čytajcie taksama:
U Minsku pradajuć idealnuju kvateru dla fanataŭ šachmat
U hetym domie žyli znakamitaści BSSR. Pahladzicie, jakuju kvateru tam pradajuć
Staruju minskuju Łošycu znosiać, da kanca zastajecca zusim troški FOTY
