U časie seksu bolš dumaješ pra toje, jak vyhladaješ, čym pra zadavalnieńnie? Kamientuje seksołah
Čamu žančyna ŭ časie intymu dumaje pra toje, jak jana vyhladaje, i jak napruhu pieratvaryć u asałodu?
Vyjava: vecteezy
— Ja nie mahu rassłabicca i atrymać zadavalnieńnie padčas seksu sa svaim maładym čałaviekam. Uvieś čas dumaju ab tym, jak ja vyhladaju. Jon mianie łaščyć, a ŭ majoj hałavie dumki, ci dobra zroblenaja epilacyja, ci dastatkova seksualnaja bializna, ci nie tyrčyć žyvot i h. d. Ja ŭžo stamiłasia ad hetaha i chaču atrymlivać asałodu ad pracesu. Što mnie rabić?
Na pytańnie BAR24 adkazvaje seksołah, doktar-psichaterapieŭt Vasil Šaŭlakoŭ.
— Nasamreč, hipierkantrol i składanaść abstrahavacca ad praźmiernaj razumovaj aktyŭnaści — heta častaja prablema šmatlikich žančyn. Tak adbyvajecca z pryčyny fizijałahičnych asablivaściaŭ. To-bok asablivaściaŭ pracy centralnaj niervovaj sistemy ŭ žančyn. U žančyn zaŭsiody ŭ hałavie šmat kahnityŭnych racyjanalnych kanstruktaraŭ pracesaŭ. Jany i patrabujuć stałaj kancentracyi ŭvahi. Tamu časta žančyna fiksujecca nie na biahučaj realnaści, a chutčej na svaich dumkach. Jany zabiahajuć daloka napierad. Z pryčyny hetaha pracesy, jakija patrabujuć uvahi ŭ ciapierašnim momancie, mohuć pakutavać u svajoj efiektyŭnaści i jakaści.
Seks — adzin z takich pracesaŭ. Jon patrabuje apuskańnia ŭ svaje pieražyvańni i ŭ svaje adčuvańni. Praźmiernaja razumovaja aktyŭnaść, viadoma, šmat u čym zaminaje, pieraškadžaje asałodzie i zadavalnieńniu.
Akramia taho, hetaja situacyja moža paharšacca niejkimi składanaściami va ŭsprymańni ŭłasnaha cieła i ŭłasnych fizijałahičnych i emacyjnych reakcyj. Naprykład, žančyny vielmi šmat uvahi nadajuć stanu svajho cieła i hukam, jakija vydajuć. Bo ŭ ich jość ujaŭleńnie pra toje, što heta albo niepryhoža, albo budzie niejkim čynam adciahvać ci navat «advaročvać» partniora.
Akramia taho, kali ŭ žančyny nizki ŭzrovień uzbudžanaści, to-bok niama pahłynańnia pracesam, to jana tak ci inakš budzie adciahvacca na inšyja dumki prosta pa zvyčcy, tamu što tak zakładziena pryrodaj. I tady chutčej pytańnie va ŭmieńni kancentravacca na ŭłasnych adčuvańniach i pieražyvańniach, to-bok zastavacca ŭ momancie. Heta adnosicca da pavyšeńnia samaacenki ź idei taho, što partnioru važna daviarać u jaho mierkavańni i jaho zadavalnieńni.
Ci zaŭvažaje mužčyna prablemy žančyny ŭ časie seksu
Kali mužčyna znachodzicca z vami, kali jon abraŭ vas, to, naturalna, jon tak ci inakš atrymlivaje asałodu ad pracesu i vašaha cieła. Dumać ab tym, što jamu niešta nie spadabajecca, — heta sprabavać usiadzieć na dvuch kresłach. Vyrašać za siabie i za jaho.
Ja dumaju, što vaš mužčyna całkam moža sam za siabie vyrašyć, nakolki jaho zadavalnieńnie budzie zaležać ad, naprykład, vašaj pryhažości ci ad vašaha cieła.
Kali ž partnioram niešta nie padabajecca ci ich niešta nie zadavalniaje, to zaŭsiody jość mahčymaść ab hetym pahavaryć.
I apošni momant. Jon zaklučajecca ŭ tym, što sapraŭdy žančyny vielmi schilnyja da roznych tryvožnych stanaŭ. Uličvajučy vialikuju napruhu, jakoj patrabuje aktyŭnaje sacyjalnaje, prafiesijnaje i siamiejnaje žyćcio, žančynie vielmi važna avałodvać roznymi navykami samakantrolu. Naprykład, miedytatyŭnymi, rełaksacyjnymi i inšymi technikami. Jany dapamahajuć pieraklučycca ad mituśni budniaŭ ci niejkich prajektaŭ.
Tady možna vyjści ŭ pazicyju čałavieka, jaki na niejki čas moža adpuścić svaje dumki, tady i atrymajecca dazvolić sabie krychu adpačyć, atrymlivajučy asałodu ŭ dadzieny momant.
Akramia taho, na moj pohlad, kali žančynie ciažka rassłabicca ŭ prysutnaści mužčyny z punkta hledžańnia svajoj seksualnaści i raźniavolenaści, chutčej za ŭsio, heta adbivajecca nie tolki ŭ intymnym płanie, ale i ŭ inšych, u tym liku i bytavych, pracesach.
Joj budzie składana rassłabicca i z mužčynam, i pieraklučycca na zadavalnieńnie ad kubačka kavy.
Ja b parekamiendavaŭ źviarnucca da psichołaha ci da seksołaha. U supravadžeńni śpiecyjalista žančyna zmahła b pavysić samaacenku. Jana b navučyłasia rassłablacca i prysutničać u momancie, adchilajučysia ad niejkich starońnich pracesaŭ.
Čytajcie taksama:
Jak vypravić «razryŭ miž arhazmami»
Paśla arhazmu (asabliva razam) lepš śpiš, ciapier aficyjna
Štučny intelekt paprasili samastojna vizualizavać arhazm. Voś što z hetaha atrymałasia
muž niejak skazaŭ, kali ja čarhovy raz pažaliłasia na drennuju pamiać: “da u tiebia prosto małaja opierativka” – takim čynam paraŭnaŭšy maju pamiać z kamputarnaj) nu tut i ja krychu zadumałasia na pradmiet paraŭnańnia žanočaj i mužčynskaj pamiaci z RAM i ROM) sama ž muža daŭno prazvała chadziačaj encykłapiedyjaj, bo ŭ jaho, zdajecca, iość adkaz na luboje pytańnie. zdajecca, jon viedaje ŭsio) a mnie, naprykład, kab adkazać na pytańnie dziciaci (a adkazać treba było najbolš dakładna, a nie prosta na adčapisia), treba było krychu zazirać u encykłapiedyju) nu i sapraŭdy - niby tak – moj mozh, kab papracavać nad zadačaj, padhružaje dadzienyja, pierapracoŭvaje ich, paśla vykanańnia zadačy, častka dadzienych ścirajecca)
niejak rašyła pamarasić ź siabroŭkaj na hety pradmiet (nu prosta ja dumała, što sa mnoj niešta nie tak), dyk jana skazała: supakojsia. u nas z (nazyvaje imia muža) z encykłapiedyjami usio roŭna tak, jak i ŭ vas)