U Varšavie zdajuć kvateru płoščaj usiaho 9 m². Voś jak heta vyhladaje
Na polskim sajcie otodom źjaviłasia abjava pra zdaču ŭ arendu mikrakvatery, jakuju ŭ sacsietkach paraŭnoŭvajuć z adzinočnaj kamieraj u skandynaŭskaj turmie.
Fota: skrynšot z sajta otodom.pl
Pamiaškańnie znachodzicca na druhim paviersie trochpaviarchovaj kamianicy 1938 hoda pabudovy ŭ mikrarajonie Tarhuvek, što ŭ pravabiarežnaj častcy Varšavy. U apisańni paznačana, što da centra 20 chvilin na aŭtobusie, pobač znachodzicca stancyja mietro.
Na 9 «kvadratach» u kvatery-pakoi źmiaścilisia adnaspalny łožak, stoł, maleńkaja ladoŭnia, unitaz, umyvalnik i dušavaja kabina.
Fota: skrynšot z sajta otodom.pl
Miesca dla pryhatavańnia ježy, jak i dla zachoŭvańnia adzieńnia, u kvatery nie praduhledžana. Pralnaja mašyna ŭstalavanaja na paviersie pa-za miežami kvatery.
Aŭtar abjavy apisvaje abjekt jak žytło dla adnaho nie vielmi patrabavalnaha čałavieka.
Fota: skrynšot z sajta otodom.pl
Što pa canie?
Za miesiac arendy ŭłaśnik prosić 1100 złotych (kala 275 dalaraŭ). Jašče 500 złotych (kala $125) paciahnuć vydatki na administracyjnyja i kamunalnyja płaciažy. Takim čynam atrymlivajecca, što miesiac žyćcia ŭ mikrakvatery abydziecca pryblizna ŭ 400 dalaraŭ.
Aproč hetaha, patencyjnamu arandataru treba budzie pakinuć u haspadara 2000 złotych ($500) u jakaści zakładu.
U pablikach kamientatary žartujuć, što ŭ pamiaškańni nie chapaje tolki druhoha łožka dla sukamiernika. Inšyja nazyvajuć kvateru karcaram kłasa luks.
Čytajcie taksama:
Minskim arandadaŭcam i nie śniłasia. Kolki biełarusy płaciać za zdymnyja kvatery ŭ Polščy i Litvie
Ad 1000 dalaraŭ za «kvadrat». Kolki kaštujuć kvatery ŭ novych ŽK Minska
Vilnia ci Varšava? Biełarusy pra plusy i minusy žyćcia ŭ hetych stalicach
Otkroju siekriet, niekotoroje vriemia ja žił v takoj komnatie, v čietyriochkomnatnoj kvartirie, potom sosied sjechał i ja pieriešioł v komnatu pobolšie. Takije komnaty sozdajut iz kuchni libo dielat odnu normalnuju komnatu na 2-3 pienała. K sožaleniju čiem krupnieje horod, tiem silnieje dorvavšijesia do dienieh choziajeva takoho žilja chotiat doiť ariendatorov. I jeŝio i kastinh ustrojat, i budieš v očieriedi stojať i ždať. Bieda naviernoje vsiech krupnych horodov. Osobienno smutiła kommunałka v 125 złotych za eto "sčasťje".