У Варшаве здаюць кватэру плошчай усяго 9 м². Вось як гэта выглядае
На польскім сайце otodom з'явілася аб'ява пра здачу ў арэнду мікракватэры, якую ў сацсетках параўноўваюць з адзіночнай камерай у скандынаўскай турме.
Фота: скрыншот з сайта otodom.pl
Памяшканне знаходзіцца на другім паверсе трохпавярховай камяніцы 1938 года пабудовы ў мікрараёне Таргувэк, што ў правабярэжнай частцы Варшавы. У апісанні пазначана, што да цэнтра 20 хвілін на аўтобусе, побач знаходзіцца станцыя метро.
На 9 «квадратах» у кватэры-пакоі змясціліся аднаспальны ложак, стол, маленькая лядоўня, унітаз, умывальнік і душавая кабіна.
Фота: скрыншот з сайта otodom.pl
Месца для прыгатавання ежы, як і для захоўвання адзення, у кватэры не прадугледжана. Пральная машына ўсталяваная на паверсе па-за межамі кватэры.
Аўтар аб'явы апісвае аб'ект як жытло для аднаго не вельмі патрабавальнага чалавека.
Фота: скрыншот з сайта otodom.pl
Што па цане?
За месяц арэнды ўласнік просіць 1100 злотых (каля 275 даляраў). Яшчэ 500 злотых (каля $125) пацягнуць выдаткі на адміністрацыйныя і камунальныя плацяжы. Такім чынам атрымліваецца, што месяц жыцця ў мікракватэры абыдзецца прыблізна ў 400 даляраў.
Апроч гэтага, патэнцыйнаму арандатару трэба будзе пакінуць у гаспадара 2000 злотых ($500) у якасці закладу.
У пабліках каментатары жартуюць, што ў памяшканні не хапае толькі другога ложка для сукамерніка. Іншыя называюць кватэру карцарам класа люкс.
Чытайце таксама:
Мінскім арандадаўцам і не снілася. Колькі беларусы плацяць за здымныя кватэры ў Польшчы і Літве
Ад 1000 даляраў за «квадрат». Колькі каштуюць кватэры ў новых ЖК Мінска
Вільня ці Варшава? Беларусы пра плюсы і мінусы жыцця ў гэтых сталіцах
Открою секрет, некоторое время я жил в такой комнате, в четырёхкомнатной квартире, потом сосед съехал и я перешёл в комнату побольше. Такие комнаты создают из кухни либо делят одну нормальную комнату на 2-3 пенала. К сожалению чем крупнее город, тем сильнее дорвавшиеся до денег хозяева такого жилья хотят доить арендаторов. И ещё и кастинг устроят, и будешь в очереди стоять и ждать. Беда наверное всех крупных городов. Особенно смутила коммуналка в 125 злотых за это "счастье".