U Polščy na budynak upaŭ zahadkavy pradmiet
Nieviadomy pradmiet upaŭ na žyły dom u Rakuvie ŭ Vialikapolskim vajavodstvie, prabiŭšy naskroź dach.
Pradmiet nanios surjoznyja paškodžańni dachu, prabiŭ jaho i ŭpaŭ unutr, apynuŭšysia na padłozie haryšča. U vyniku incydentu, jaki adbyŭsia jašče 4 krasavika, nichto nie paciarpieŭ, piša RMF FM.
Žychar doma raspavioŭ, što vyjaviŭ dziŭny pradmiet, kali viarnuŭsia dadomu z pracy. «U dachu była takaja dzirka, niby jaje pakinuła niejkaja bomba. Jana była prykładna mietr na 70 sm», — adznačyŭ jon.
Fota: RMF FM
Pa słovach vidavočcaŭ, pradmiet vyhladaŭ jak častka čyhunnaha katła. Kali jon palacieŭ uniz i raźbiŭsia, to razłamaŭsia napałovu. Adzin elemient važyŭ kala dvuch kiłahramaŭ.
Pra incydent prainfarmavali palicyju i vajennuju palicyju, spravu rasśleduje prakuratura Vialikapolskaha vajavodstva.
Śledčyja źviarnulisia da słužbaŭ, jakija rasśledujuć incydenty ŭ hramadzianskaj i vajskovaj avijacyi, adnak tyja vyklučyli, što abjekt byŭ kampanientam samalota.
Prakuratura taksama źviarnułasia pa dapamohu da Polskaha ahienctva aeranavihacyjnych pasłuh. Jano ŭstanaviła, što ŭ momant, kali čyhunny pradmiet pradziraviŭ dach, nad Rakuvam pralataŭ samalot u Irłandyju. U tamtejšym aeraporcie techničnyja bryhady praviarali, ci nie advalilisia niejkija detali ad borta, adnak mašyna była cełaj.
Fota: RMF FM
Spravu taksama rasśledavała vajennaja palicyja, ale jana vyrašyła, što nie maje kampietencyi vieści vytvorčaść.
Prakuratura razam z palicyjaj razhladajuć nastupnuju viersiju: pradmiet byŭ častkaj sielskahaspadarčaj mašyny, jakaja mahła adkałocca ad jaje padčas pracy. Kančatkovuju vysnovu na hety kont pavinna zrabić ekśpiertyza.
