Łukašenka zaćvierdziŭ novuju redakcyju Kodeksa ab ziamli. Što mianiajecca?
Łukašenka padpisaŭ zakon ab uniesieńni źmienaŭ u Kodeks ab ziamli, paviedamlaje BiełTA.
Dakumientam praduhledžvajecca mahčymaść vydzialeńnia hramadzianam ziamielnych učastkaŭ dla budaŭnictva žyłych damoŭ u sielskich nasielenych punktach pamieram da 1 ha.
Zamacoŭvajecca taksama prava na nabyćcio na praciahu 5 hadoŭ ziamielnych učastkaŭ, jakija znachodziacca ŭ ziemlekarystalnikaŭ na 1 vieraśnia 2022 hoda, u pryvatnuju ŭłasnaść abo arendu terminam na 99 hadoŭ z uniasieńniem płaty na lhotnych umovach (z prymianieńniem kaeficyjenta 0,8 na terytoryi Minska i abłasnych centraŭ, 0,5 — na inšych terytoryjach).
Z 8 da 5 hadoŭ skaračajecca termin, na praciahu jakoha hramadzianie, jakija atrymali ziamielnyja ŭčastki, što stajać na ŭliku majučych patrebu ŭ palapšeńni žyllovych umoŭ, abmiežavanyja ŭ pravie rasparadžeńnia takimi ŭčastkami i raźmieščanymi na ich abjektami nieruchomaści.
Akramia taho, pałažeńni zakona nakiravanyja na vyrašeńnie nazapašanych typavych prablem u śfiery ziamielnych adnosin. U pryvatnaści, dapuskajucca raździeły ziamielnych učastkaŭ, vydzielenych dla budaŭnictva i absłuhoŭvańnia adnakvaternych, błakavanych žyłych damoŭ, inšych kapitalnych budynkaŭ da zaviaršeńnia budaŭnictva, źmianieńnie metavaha pryznačeńnia i miežaŭ takich učastkaŭ pry ŭmovie ich vykupu ŭ pryvatnuju ŭłasnaść abo ŭniasieńnia płaty za prava arendy terminam na 99 hadoŭ i zachavańnia šerahu inšych patrabavańniaŭ.
Zakonam rehłamientujucca pytańni, źviazanyja z samavolna zaniatymi ziamielnymi ŭčastkami i samavolnym budaŭnictvam.
Abłvykankamy nadzialajucca pravam z ulikam miascovych umoŭ i ekanamičnaj efiektyŭnaści na vyznačeńnie nasielenych punktaŭ i inšych terytoryj, dzie ziamielnyja ŭčastki vydzialajucca biez praviadzieńnia aŭkcyjonu.
Uvodzicca mahčymaść uklučeńnia nieprydatnych dla inšaha vykarystańnia ziamiel u miežy nasielenych punktaŭ albo ŭtvareńnia na takich ziemlach novych sielskich nasielenych punktaŭ, u tym liku chutaroŭ.
Taksama zakonam uzmocnienaja rola miascovych orhanaŭ ułady pa rehulavańni ziamielnych adnosin, naviadzieńni paradku na ziamli i vyrašeńniu ziamielnych sprečak.
