«Jość niekalki raźviłak» — Miaśnikovič raskazaŭ ab mahčymych šlachach vyrašeńnia hazavaha pytańnia
Staršynia Kalehii Jeŭrazijskaj ekanamičnaj kamisii Michaił Miaśnikovič paśla sustrečy z Alaksandram Łukašenkam raskazaŭ ab mahčymych šlachach vyrašeńnia hazavaha pytańnia na prastory sajuza, paviedamlaje BiełTA.
«Heta pytańnie da ciapierašniaha času prysutničaje ŭ prajekcie stratehičnych napramkaŭ, tut niekalki raźviłak. U nas jość prahrama farmiravańnia ahulnaha rynku hazu. U adpaviednaści ź joj u 2021 hodzie pavinien być raspracavany prajekt mižnarodnaha dahavora, dzie buduć prapisany (my tak raźličvajem) usie detali i niuansy: farmiravańnie cany na haz i taryfaŭ na prapampoŭku», — nahadaŭ Michaił Miaśnikovič.
Pavodle jaho słoŭ, jość mierkavańnie, što hazavaje pytańnie bolš prosta i ŭdała budzie vyrašyć u ramkach dvuchbakovych adnosin. Naprykład, Biełaruś i Rasija buduć damaŭlacca niepasredna, a nie čakać stvareńnia ahulnaha rynku.
«I toje, i druhoje pytańni majuć svaje pieravahi i niedachopy. Armienija i Kyrhyzstan adnaznačna ličać, što razam ź Biełaruśsiu možna budzie vyrašać i ich pytańni pa taryfach na prapampoŭku i cenach na haz. Ale treba ŭličvać, što ŭzrovień intehracyi, supracoŭnictva ŭ ramkach dvuchbakovych adnosin taksama maje vielmi mocnyja pazicyi. I časam na ŭmovach uzajemnaści možna nie ŭsie pytańni vyrašać dla piaciorki — niešta možna vyrašać i na dvuchbakovaj asnovie», — rastłumačyŭ staršynia Kalehii JEEK.
Padychody da farmiravańnia ahulnaha rynku hazu ŭ krain JEAES padzialilisia: Rasija i Kazachstan zajmajuć adnu pazicyju, Biełaruś, Armienija i Kyrhyzstan — inšuju. Pryčym Kyrhyzstan jašče prapanuje ŭrehulavać handal hazam z trecimi krainami: jon užo častkova zakuplaje jaho va Uźbiekistana. «Tamu pytańnie niaprostaje, dyskusijnaje. Ja dumaju, heta budzie adno z klučavych pytańniaŭ paradku dnia 11 śniežnia», — adznačyŭ Michaił Miaśnikovič.
Akramia farmiravańnia ahulnych rynkaŭ, u stratehičnych napramkach raźvićcia jeŭrazijskaj intehracyi da 2025 hoda płanujecca adlustravać raźvićcio zakanadaŭčaj bazy JEAES.