Pad Lidaj sutyknulisia dva aŭtamabili. Ale pakul čakali DAI, 18-hadovuju dziaŭčynu naśmierć źbiŭ treci aŭtamabil

Zdareńnie adbyłosia ŭ paniadziełak a 9-j ranicy kala vioski Doržy, paviedamlaje abłasnaja DAI.

DAI Hrodzienskaj vobłaści

20-hadovy kiroŭca «Deu» nie spraviŭsia z kiravańniem, vyjechaŭ na pałasu sustrečnaha ruchu, dzie sutyknuŭsia z «Aŭdzi».

Paśla DTZ kiroŭca i pasažyr «Deu» vyjšli z mašyny i stali čakać supracoŭnikaŭ DAI.

U hety čas ź Biarozaŭki jechaŭ «Miersiedes», za rulom jakoha byŭ 48-hadovy mužčyna. Pa jaho słovach, jon bačyŭ aŭtamabili z uklučanaj «avaryjkaj» i dumaŭ abjechać, nie vyjazdžajučy na pałasu sustrečnaha ruchu, ale nie zdoleŭ. Pad kołami «Miersiedesa» akazałasia 18-hadovaja pasažyrka «Deu».

Dziaŭčyna pamierła na miescy zdareńnia da pryjezdu chutkaj dapamohi.

0

0

0

0

0

0