Ź Instytuta historyi zvolnienyja siem supracoŭnikaŭ. Jašče piaciora syšli sami ŭ znak salidarnaści
Akcyja salidarnaści z zatrymanym Mikałajem Vołkavym. Z tych, chto vyjšaŭ,čaćviora zvolnienyja (Žłutka, Kryvičanina, Šałanda, Papoŭskaja), dvoje zvolnilisia ŭ znak salidarnaści (Anipiarkoŭ, Unučak). 14 vieraśnia 2020 hoda. Fota pradastaŭlena hierojami publikacyi
Kiraŭnictva Instytuta historyi NAN Biełarusi nie padoŭžyła kantrakt užo siemiarym supracoŭnikam. Heta kandydaty histaryčnych navuk Mikałaj Vołkaŭ, Alaksiej Šałanda i Kaciaryna Kryvičanina, kandydat fiłałahičnych navuk, łacinist Aleś Žłutka, jaki adsiadzieŭ 10 sutak za marš 8 listapada, navukovyja supracoŭniki Alaksiej Radaman, Taćciana Papoŭskaja i Uładzimir Šypiła, piša Tut.by.
Usie jany atrymali adpaviednaje apaviaščeńnie za podpisam Vadzima Łakizy, namieśnika dyrektara Instytuta historyi pa navukovaj častcy.
U znak salidarnaści sa svaimi kalehami ź Instytuta historyi zvolnilisia jašče piaciora historykaŭ — doktar histaryčnych navuk Uładzimir Tuhaj i čaćviora kandydataŭ histaryčnych navuk: Andrej Macuk, jaki adbyŭ aryšt 13 sutak pa artykule 23.34 KaAP, Vadzim Anipiarkoŭ, Andrej Unučak i Vasil Varonin.
— Spačatku nam prapanavali hadavyja kantrakty. Paśla taho, jak my napisali zajavu ab sychodzie, to prapanavali ažno na try hady, — kaža Andriej Macuk. Pa jaho słovach list adkryty, da jaho mohuć dałučycca astatnija.
